Roudoù kamp Kastell Du, deus mare an Henamzer, a oa bet lakaet war roll ar Monumantoù Istorel e 1957. Ar gwez eno o deus tennet gounid eus ar statud-se evit kreskiñ ha kreñvaat. Kozh ha meurdezus int bremañ ha laouen e vint da zegemer ho nerzhioù yaouank e-kreiz o brankoù. An troellblantennoù a roio harp deoc’h evit pignat uheloc’h. Kaer abominabl eo ar vro pa seller outi eus kribenn ur wezenn. Kazi bemdez ho po tro da grapaat er gwez, en ur zoujañ outo, gant sikour skipailh buheziñ entanet « L’Arbre à Lutik », ur gevredigezh kraperien gwez, a-raok diskenn en desach ! Sport ha vakañsoù war un dro, gant predoù lipous ha beilhadegoù. Startijenn a zo ganeoc’h ? Bec’h deï neuze !

<< Enklask nevez

Aozer ar c’hamp vakañsou-mañ

Ti ar C’hoadoù

Centre Forêt Bocage
5 Hent an Dachenn sport
22160 Ar Chapel-Nevez
02 96 21 60 20
accueil@centre-foretbocage.bzh
www.centre-foretbocage.bzh