Ur rouedad kevredigezhioù e Breizh eo an UBAPAR (Unvaniezh Breizh evit buheziñ ar broioù war ar maez). Plediñ a ra gant ar buheziñ war ar maez hag an diorren lec’hel. Unan eus palioù hol labour eo broudañ implij ar brezhoneg hag ar gallaoueg evit an obererezhioù dudi evit ar vugale hag ar re yaouank : diorren ar c’hampoù vakañsoù, stummañ buhezourien ha buhezourezed, renerien ha renerezed, krouiñ binvioù labour, reiñ harp d’ar raktresoù nevez, brudañ… Berzh a raio ar c’hampoù er bloaz-mañ emichañs ! Evit kaout muioc’h a ditouroù diwar-benn ur c’hamp, kit war-eeun e darempred gant an aozadur a gavoc’h e traoñ pep pajenn.